CONVOCATORIA DE MANIFESTACIÓN PARA O 8 DE XULLO

  A Confraría San José de Cangas, o Foro Social, a Coordinadora pola defensa do litoral do Morrazo, a Plataforma pola defensa da enseada de San Simón e a Plataforma pola defensa da ría-Cíes convocan unha manifestación en Cangas para o próximo día 8 de Xullo, sábado, as 20:00 que sairá da Alameda Vella e chegará ate o Salgueirón.

  O motivo é expresar o rechazo social ao proxecto de porto deportivo e urbanización de luxo no Salgueirón, pero, dunha maneira máis ampla, quere que se faga oir a voz dos mariñeiros, mariscadores, acuicultores e cidadáns en xeral esixindo o máximo respecto ao estado natural da nosa ría e noso litoral.

  No Salgueirón quérese consumar un macro proxecto especulativo, que acabaría cunha importante zona natural, pesqueira e marisqueira, e tendría importantes consecuencias sobre a bioloxía e dinámica litoral de toda a ría.

  Desgraciadamente é só un mais dos múltiples proxectos de recheos e obras desnaturalizadoras da costa que estan a comprometer moi seriamente o futuro da ría de Vigo como rico e produtivo ecosistema.

  Temos que nomear casos concretos:
Recheo de Bouzas e a ampliación proxectada do mesmo
Recheo de Ferymag no estreito de Rande
Recheo inminente de Pescanova - Chapela
Recheo - espigón do porto deportivo de Punta Lagoa na Guía
Recheo - espigón inminente de Massó en Cangas
e aínda hai mais.

  A feroz presión urbanística, feita sen prever equipamentos nin tratamento adecuado dos resíduos, tamén mostra as súas consecuencias na contaminación da ría, cercana a niveis críticos.

  Dende os grupos convocantes se fai unha chamada ao sector pesqueiro, acuícola e marisqueiro da ría, e ós cidadans en xeral para que acudan o día 8 a Cangas para rexeitar os contínuos ataques a noso patrimonio natural, e esixir as administracións que fagan cumprir e respectar as leis que o protexen, comezando pola paralización inmediata e definitiva das obras do porto do Salgueirón, exemplo evidente de tramitación irregular e falla de diálogo cos afectados. 

  Concretamente, esixir unha resposta inmediata do Tribunal Superior de Xustiza de Galicia ante a petición de paralización cautelar do porto, resposta que xa sobrepasa en tres meses o prazo legal para súa emisión; esixir a no inhibición das Consellerías de Política Territorial, Medio Ambiente e Pesca no problema; e a intervención do Ministerio de Fomento e Medio Ambiente, responsables directos do permiso do porto deportivo.

  Para obter medidas concretas e non só boas palabras os mariñeiros e cidadáns deben acudir a Cangas nunha convocatoria que debería estar seguida de outra de mais alcance en Vigo con data ainda sen determinar.

Lembremos:
A RÍA DE VIGO SUSTENTA MAIS DE 15.000 EMPREGOS DIRECTOS:
9.900 MARIÑEIROS DA RÍA,
1.124 MARISCADORES,
2.373 ACUICULTORES E 
2.109 TRABALLADORES EN TERRA

OS PEIXES E MARISCOS NON VIVEN DE RECHEOS E CONTAMINACIÓN

SOLUCIÓN PARA O SALGUEIRÓN



Confraría San José de Cangas

Foro social pola defensa do pobo

Coordinadora pola defensa do litoral do Morrazo

Plataforma pola defensa da enseada de San Simón

Plataforma pola defensa da ría-Cíes

MANIFESTO 8 XULLO 2006

Esta convocatoria, realizada pola Confraría de Cangas, O Foro Social, a Coordinadora pola defensa do litoral do Morrazo, a Plataforma pola defensa da enseada de San Simón e a Plataforma pola defensa da ría-Cies, ten como obxectivo esixir as administracións o respecto medioambiental dun ecosistema que, os científicos o dín e todos o sabemos, atopase en grave perigo: a ría de Vigo e as súas costas.

A falla das previsións e a deixadez fixeron que non se completase con efectividade o Plan de Saneamento Integral da Ría, tan reclamado e tamén tan publicitado durante anos.

O continuos ataques contra o estado natural das ribeiras, as escorrentías causadas polos incendios e as obras erosionantes das infraestructuras están a mermar de xeito preocupante a capacidade rexeneradora da ría, que ate aquí, parece que creiamos inesgotable.

A sentencia por contaminación da Comisión Europea é un aviso grave. Non se poden pechar os ollos nin tentar tapar a evidencia: se non reaccionamos imos matar un ecosistema que é o noso ben mais prezado.

Mais de 15.000 empregos dependen directamente del, 9.900 mariñeiros da ría, 1.124 mariscadores e mariscadoras, 2.373 traballadores no mexilón ou na acuicultura, e 2.109 traballadores en terra.

A quén temos en contra?

Aos concellos, que están mergullados nunha locura urbanizadora e especulativa, construindo e proxectando casas e mais casas que permanecerán baleiras sen prever para elas os servizos adecuados e estragando o medio natural para beneficio duns poucos.

Ás Consellerías de Política Territorial, Pesca e Medio Ambiente, que non son quen de controlar os ataques ó medio.

Á Autoridade Portuaria de Vigo, a gran especuladora, que compra terreo público a 0 euros e o vende ou aluga a prezo de ouro. Ahí está o recheo de Bouzas devorando mais e mais ría.

Como podemos loitar contra eles?

Con unión entre todos nos, entre mariñeiros, ecoloxistas, mariscadoras, empresarios que viven do mar, cidadáns que queren viver nun entorno limpo e natural..  Manteñámonos informados, esixamos a información non manipulada ós medios. Preocupémonos un mínimo polo entorno e este nos recompensará.

Esixindo o cumprimento das leis, que están ahí e están feitas para procurar protección medioambental e a igualdade de todos e todas ante as administracións. Non mais tratos de favor aos poderosos. Denunciémolos.

Mobilizándose, é moi cómodo mirar para outro lado e quedar en casa, pero, desgraciadamente, eso é o que o que algúns aproveitan. Utilicemos a liberdade de expresión, non sexamos nos os primeiros en autocensurarnos por medo.

Hai agresións puntuais que ameazan en este mesmo momento:

Esta obra de Massó, que só o esforzo denodado duns veciños está a parar.

O ilegal porto deportivo da Lagoa, na Guía, con sentencias en contra que ninguén consegue facer cumprir.

Un recheo inminente de Pescanova en Chapela.

A ameaza dun macro porto deportivo en Canido.

Outro ainda non completamente desbotado en Pescadoira, Bueu.

Un novo proxecto de concesión para frigoríficos no estreito de Rande, en plena Rede Natura e que aproveita agora no vran para sair a exposición pública.

A ampliación de Aucosa en Redondela.

O recheo de 80.000 metros cadrados mais en Bouzas. A voracidade ilimitada e mala xestión da Autoridade Portuaria de Vigo, con Abel Caballero ao frente, cando xa se vendera o porto seco de Salvaterra como ampliación do espazo portuario.

Hai mais..insistimos: unidade de acción, información, acción xudicial e ainda que non goste, mobilización. Temos que preparar unha mobilización ampla en Vigo, a ser posible en Setembro esixindo solucións e responsabilidades concretas.

POLA DEFENSA DA RÍA E O LITORAL